Իրաքի բանակը ԴԱԻՇ-ից խոշոր քաղաք է ազատագրել
Իրաքի կառավարական ուժերը իրենց վերահսկողությունն են սահմանել Էր-Ռուտբա քաղաքի նկատմամբ, որը մասնակիորեն գտնվում էր ԴԱԻՇ-ի ենթակայության տակ։ Այս մասին հայտնում է Sky News Arabia հեռուստաալիքը։
Դրա տեղեկություններով՝ իրաքյան բանակը հակաահաբեկչական կոալիցիայի աջակցությամբ 3 օր թեժ մարտեր է մղել ԴԱԻՇ-ի դեմ Անբար նահանգում։
Երկուշաբթի օրը կառավարական զորքերը ահաբեկիչներից մի քանի գյուղ էին ազատագրել, որոնք ընկած էին քաղաք տանող ճանապարհին, իսկ այսօր այն ամբողջությամբ ազատագրվել է։
