Հարձակում Պակիստանի քոլեջներից մեկի վրա, կա 59 զոհ

Պակիստանի Բելուջիստան նահանգի Կվետտա քաղաքի ոստիկանական քոլեջի վրա զինյալների հարձակման հետևանքով սպանվել է 59 մարդ, հայտնում է GEO TV-ն։
Associated Press-ի տեղեկություններով՝ Բելուջիստանի ՆԳՆ ղեկավարը հայտնել է գործողության ավարտի մասին այն բանից հետո, երբ հարձակվողներից երեքն սպանվել են
Վերջինս տեղեկացրել է, որ զինյալները կրել են «մահապարտի գոտիներ»։

Զինվորականները ենթադրում են, որ հարձակումը կարող էր իրականացնել «Թալիբանի» հետ կապված «Լաշկար-ե Ջանգվի» խմբավորումը։

Հիշեցնենք, որ հոկտեմբերի 25-ի գիշերը 6 զինված անձինք ներխուժել էին ոստիկանական քոլեջ և պատանդ վերցրել ավելի քան 200 մարդու։ Կա նվազագույնը 100 վիրավոր։