Հարավային Կորեայում զբոսաշրջիկներ տեղափոխող ավտոբուսի վթարի հետևանքով 9 մարդ է զոհվել
Հարավային Կորեայում զբոսաշրջիկներին տեղափոխող ավտոբուսը վթարի է ենթարկվել և այրվել, ինչի հետևանքով զոհվել է առնվազն 9, վիրավորվել 7 մարդ: Այս մասին հայտնում է ՏԱՍՍ-ը: Վթարը տեղի է ունեցել երկրի հարավարևելքում գտնվող Ուլսան քաղաքի մերձակայքում:
Միջադեպը տեղի է ունեցել տեղական ժամանակով ժամը 22:00-ին: Ավտոբուսում եղել է մոտ 20 մարդ: Վիրավորները տեղափոխվել են հիվանդանոց: Դեպքի վայրում աշխատում է ոստիկանությունը:
