«Ռուսաստանն աջակցում է ՕՊԵԿ-ի երկրների կողմից արդյունահանման կրճատմանը». Պուտին
Ռուսաստանի նախագահ Վլադիմիր Պուտինը, ելույթ ունենալով Ստամբուլի էներգետիկ կոնգրեսում, հայտարարել է, որ Ռուսաստանն աջակցում է ՕՊԵԿ երկրների կողմից նավթի արդյունահանման սահմանափակմանը և պատրաստ է միանալ նման միջոցառումներին։
«Ռուսաստանը պատրաստ է միանալ արդյունահանման սահմանափակումների համատեղ միջոցառումներին և կոչ է անում դրան միանալ նաև նավթի մյուս արտադրողներին։ Մենք աջակցում ենք ՕՊԵԿ-ի նախաձեռնությանը՝ ֆիքսել արդյունահանման ծավալները և հաշվարկում ենք, որ ՕՊԵԿ-ի՝ նոյեմբերին կայանալիք նիստում այդ նախաձեռնությունը կվերածվի կոնկրետ պայմանավորվածության»,- ասել է նա, ում խոսքերը մեջբերում է RIA Novosti-ն։
«Ստեղծված իրավիճակում կարծում ենք, որ նավթարդյունահանման սառեցումը կամ անգամ ծավալների կրճատումը, երևի թե, միակ ճիշտ որոշումն է՝ պահպանելու ողջ համաշխարհային էներգետիկայի կայունությունը»,- հավելել է նա։
