Մահացել է լեհ հայտնի ռեժիսոր Անջեյ Վայդան
Լեհական կինոյի դասական Անջեյ Վայդան մահացել է 90 տարեկանում, հայտնում է BBC-ն։
Օրերս Վայդան տեղափոխվել էր հիվանդանոց։ Չճշտված տեղեկությունների համաձայն՝ ռեժիսորի մահը վրա է հասել թոքային անբավարարության հետևանքով։
Նա Կաննի մրցանակակիր է, արժանացել է բազմաթիվ մրցանակների և պարգևների։
1981թ. Վայդայի «Երկաթե մարդը» ֆիլմը դարձավ լեհական առաջին ֆիլմը, որը ստացավ
Կաննի կինոփառատոնի «Ոսկե արմավենի» մրցանակը։
Նրա «Դանտոն» ֆիլմ արժանացել է բրիտանական հեղինակավոր BAFTA մրցանակին 1984թ.։
Վայդան բազմաթիվ մրցանակների է արժանացել համաշխարհային կինեմատոգրաֆում ունեցած ավանդի համար՝ արժանանալով Վենետիկի կինոփառատոնի «Ոսկե առյուծ» (1998), «Օսկար» (2000), Բեռլինի կինոփառատոնի «Ոսկե արջը» (2006) հեղինակավոր մրցանակներին։
