Ռումինիայի ֆուտբոլի հավաքականը հաղթական տրամադրությամբ է մոտենում Հայաստանի հետ խաղին
Ֆուտբոլի Ռումինիայի ազգային թիմի պաշտպան Դրագոշ Գրիգորեի կարծիքով Հայաստանի հետ խաղում ինքն ու թիմակիցները հսկելու են յուրաքանչյուր ֆուտբոլիստի:
«Ինչպես ասել եմ, ամեն հանդիպում բարդ է ստացվում: Սակայն տեղյակ ենք, որ Հայաստանի և Ղազախստանի թիմերը նախկինում այդքան էլ ուժեղ չէին, սակայն խաղադաշտ ենք դուրս գալու հաղթական տրամադրությամբ: Իսկ ինչ կապված է Հենրիխ Մխիթարյանի բացակայության հետ, ապա մենք կենտրոնանալու ենք յուրաքանչյուր խաղացողի վրա»,- նախախաղային ասուլիսի ժամանակ ասել է Դրագոշ Գրիգորեն:
Հոկտեմբերի 8-ին Վազգեն Սարգսյանի անվան «Հանրապետական» մարզադաշտում կկայանա 2018 թ. աշխարհի առաջնության Հայաստան Ռումինիա ընտրական հանդիպումը:
