Աշխարհի լավագույն և վատագույն օդանավակայանները՝ քնելու համար

Իհարկե, օդանավակայանը քնելու տեղ չէ։ Սակայն օդանավակայանում քնելը երբեմն անխուսափելի անհրաժեշտություն է դառնում։

Օրինակ, եթե ձեր չվերթը հետաձգվել է, և դուք ստիպված եք 7-8 ժամ մնալ օդանավակայանում։ Որպես կանոն, նման դեպքերում ժամանակը չափազանց դանդաղ է անցնում, և խանութները չափչփելուց և բարում բոլոր խմիչքները փորձելուց հետո պարզում եք, որ դեռ մի այդքան էլ պետք է համբերեք։

Մյուս կողմից, հոնգնածությունն իրեն զգացնել է տալիս և որքան փորձում եք հաղթահարել քնի դեմ, ձեր քունն այնքան ավելի շատ է տանում։ Ի վերջո որոշում եք, գոնե մի կես ժամ «աչք կպցնել»։ Ու այդտեղ սկսվում է իսկական փորձությունը։

Ձեզ խանգարում է ոչ միայն աղմուկը, մարդկանց հոսքն ու բարձրախոսով հնչող հայտարարությունները, այլև՝ նստարանի անհարմարությունը։ Որոշ օդանավակայաններում նստարանները այնպես չոր են և այնպիսի դիզայնով, որ տպավորություն է ստեղծվում, թե դրանք դիտավորյալ նախագծվել են՝ մարդկանց քնել թույլ չտալու համար։

Ի դեպ, շատերի կարծիքով՝ դա տպավորություն չէ. օդանավակայանի նստարանները միտումնավոր այնպես են պատրաստված, որ դուք չկարողանաք քնել, ստիպված լինել շրջել տարածքի խանութներով և գնումներ կատարել։

Բրիտանական Economist-ը կազմել է աշխարհի 5 լավագույն և 5 վատագույն օդանավակայանների ցանկը՝ ըստ քնելու տեսանկյունից հարմարավետության։

Լավագույն 5-ը

1. Changi Airport, Սինգապուր

2. Incheon Airport, Հարավային Կորեա

3. Helsinki Airport, Ֆինլանդիա

4. Munich Airport, Գերմանիա

5. Vienna Airport, Ավստրիա

Վատագույն 5-ը

1. Reikjavik Airport, Իսլանդիա

2. Paris Beauvais-Tille Airport, Ֆրանսիա

3. Bergamo Orio al Serio Airport, Իտալիա

4. London Luton Airport, Մեծ Բրիտանիա

5. Christchurch Airport, Նոր Զելանդիա