Ֆիլիպիններում ջրհեղեղի պատճառով ավելի քան 70 հազար մարդ է տարհանվել
Ավելի քան 70 հազար մարդ է ստիպված եղել հեռանալ իրենց տներից Ֆիլիպիններում տեղի ունեցած ջրհեղեղի պատճառով, հայտնում է AFP գործակալությունը:
Նրանց թվում 9 հազարը երկրի մայրաքաղաք Մանիլայի բնակիչ է:
Տարերային աղետի զոհ է դարձել 5 մարդ:
Հորդառատ անձրևները այս շաբաթ պատուհասել էին երկրի արևմտյան շրջանները:
Ջրհեղեղների պատճառով իշխանությունները փակել են դպրոցներ, օդանավակայանները չեղյալ են հայտարարել մի շարք ներքին չվերթեր:
