Իսպանական ոստիկանությունը ֆլեշմոբը շփոթել է ահաբեկչության հետ
Իսպանիայի ոստիկանությունը բերման է ենթարկել գերմանացի վեց կին զբոսաշրջիկների, ովքեր փորձել են ֆլեշմոբ կազմակերպեն առափնյա Ժիրոն քաղաքում: Ինչպես հաղորդում է Interfax-ը, այս մասին հայտնել է Կատալոնիայի ոստիկանությունը:
Քաղաքացիները գերմանացի զբոսաշրջիկներից մեկին շփոթել են հանրահայտ աստղերից մեկի հետ և փորձել լուսանկարվել նրա հետ:
Հավաքված ամբոխի մեջ հրմշտոց և իրարանցում է սկսել, ինչն էլ ոստիկաններին հիշեցրել է Ֆրանսիայի Նիս քաղաքում այս տարի տեղի ունեցած ահաբեկչության տեսարանը: 20-25 տարեկան զբոսաշրջիկներին բերման են ենթարկվել: Նրանց մեղադրանք է առաջադրվել հասարակական կարգը խախտելու համար՝ չնայած այն հանգամանքին, որ ոստիկանությունն արդեն իսկ ընդունել է շփոթմունքի փաստը:
