Մեսսին մտադիր չէ փոխել Արգենտինայի հավաքականից հեռանալու իր որոշումը
Ինչպես հաղորդում է El Mundo Deportivo-ն, Արգենտինայի հավաքականի հարձակվող Լիոնել Մեսսին շարունակում է մտածել, որ այլևս պետք չէ, որ ինքը խաղա ազգային թիմում:
«Բարսելոնայի» ֆուտբոլիստի տրամադրության մասին հաղորդել են նրա մերձակա շրջապատի որոշ ներկայացուցիչներ:
Մեսսին Ամերիկայի գավաթի եզրափակչում Չիլիից կրած պարտությունից հետո հայտարարեց, որ հեռանում է Ալբիսելեստեից: Մեսսիի բառերը մեծ ռեզոնանս առաջացրեցին ամբողջ աշխարհում: Շատերը խնդրեցին նրան փոխել որոշումը, այդ թվում՝ նաև Արգենտինայի նախագահ Մաուրիսիո Մակրին:
Պատրաստեց Անի Գաբուզյանը
