Վրաստանում պաշտոնապես մեկնարկել է խորհրդարանական ընտրությունների նախընտրական քարոզարշավը
Վրաստանի վարչապետ Գեորգի Կվիրիկաշվիլին ստորագրել է երկրի նախագահ Գեորգի Մարգվելաշվիլու կարգադրությունը 2016 թվականի հոկտեմբերին 8-ին երկրում խորհրդարանական ընտրություններ անցկացնելու մասին, հայտնում է TASS-ը՝ հղում կատարելով Վրաստանի վարչապետի աշխատակազմին: Դրանով իսկ Վրաստանում պաշտոնապես մեկնարկել է խորհրդարանական քարոզարշավը:
Անձամբ Կվիրիկաշվիլին, որը ներկայում Բաթումում է, հայտարարել է լրագրողներին, որ ստորագրել է երկրի ղեկավարի ակտը:
«Այսօրվանից Վրաստանում պաշտոնապես մեկնարկել է նախընտրական ժամանակահատվածը: Վրաստանում նախընտրական մրցավազքի ստանդարտը զգալիորեն բարելավվել է: Այդ բոլոր քայլերն ուղղված են ժողովրդավարության մակարդակի բարձրացմանը»,- հայտարարել է նա:
