Բնական դիմակ՝ ակնեի դեմ

Ակնեի պես մաշկային խնդիրների դեպքում մարդիկ հաճախ գնում են այնպիսի խնամքի միջոցներ, որոնք խոսք են տալիս վերացնել ակնեն, սակայն՝ անարդյունք:

Healthyfoodhouse կայքն առաջարկում է բնական միջոց, որը հիանալի այլընտրանք է դեղատնային միջոցներին: Այս բնական միջոցը դրական է ազդում կնճիռների, սպիների և ակնեի վրա: Այն բուժում է պրոբլեմատիկ մաշկն ու հանում է կարմրությունը:

Այս բնական դիմակի կանոնավոր օգտագործումը թարմացնում, փափկեցնում և հարթեցնում է մաշկը:

Դիմակի բաղադրությունը

• 1 թ/գ մեղր
• Կես թ/գ դարչինի փոշի
• Կես թ/գ քերած մշկընկույզ
• 1 թ/գ թարմ կիտրոնի հյութ

Բոլոր բաղադրիչները խառնեք այնքան, մինչև խյուսանման զանգված ստանաք: Զգայուն մաշկի դեպքում բաղադրությունից բացառեք կիտրոնի հյութը և ավելացրեք մեղրի քանակը:

Դիմակը խորհուրդ է տրվում նաև որոշ երակային խնդիրների դեպքում, օրինակ՝ ռոզացեան, քանի որ մեղրը լայնացնում է արյան անոթները:

Դիմակը պետք է քսել դեմքի պրոբլեմատիկ հատվածներին՝ խուսափելով աչքերի հատվածներից: Թողեք մնա 30 րոպե, ապա լվացեք աղբյուրի ջրով:

Երբ դեմքը չորանա, խոնավեցնող քսուք քսեք:

Նյութը հրապարակման պատրաստեց Լիլիթ Հարությունյանը