Բահրեյնը սպառնում է Իրանին
Բահրեյնի արտգործնախարար Խալեդ բեն Ահմեդ Ալ Խալիֆան սպառնացել է Իրանին պատասխան միջոցառումներ ձեռնարկել, եթե Իրանը շարունակի միջամտել արաբական երկրների ներքին գործերին, հայտնում է Sputnik գործակալությունը:
«Իրանը պետք է զերծ մնա արաբական տարածաշրջանի հարցերին միջամտելուց, ինչպիսին էլ այն լինի, Իրանը պետք է վարի քաղաքականություն՝ հարգելով հարևան պետությունները»,- հայտարարել է Եգիպտոսի արտգործնախարար Սամեխ Շուքրին Բահրեյնի արտգործնախարարի հետ համատեղ մամուլի ասուլիսի ժամանակ:
«Եթե Իրանը որևէ քայլ ձեռնարկի, ապա մենք, ի պատասխան, նմանատիպ միջոցառումներ կձեռնարկենք»,- հայտարարել է Ալ Խալիֆան:
Բահրեյնը խզել է Իրանի հետ դիվանագիտական հարաբերությունները այս տարվա հունվարին:
