Վթարի ենթարկված ավտոմեքենան որևէ առնչություն չունի Մարգարյանների ընտանիքի հետ
Էլեկտրոնային լրատվամիջոցներից մեկի կողմից լուր է տարածվել, թե իբր դեկտեմբերի 23-ին մայրաքաղաքի Բաբաջանյան փողոցում վթարի ենթարկված «Տոյոտա» մակնիշի ավտոմեքենան հաշվառված է Երևանի քաղաքապետարանի հաշվեկշռում և սպասարկում է քաղաքապետ Տարոն Մարգարյանին:
Պաշտոնապես տեղեկացնում ենք, որ վթարի ենթարկված ավտոմեքենան Երևանի քաղաքապետարանի հաշվեկշռում չի գտնվում և որևէ առնչություն չունի Մարգարյանների ընտանիքի հետ:
Երևանի քաղաքապետարանի տեղեկատվության և հասարակայնության հետ կապերի վարչություն
