Պատգամավորներն ավելի քիչ կխոսեն
Այսօր Ազգային ժողովի նիստի սկզբում քվեարկության դրվեց «Ժառանգություն» խմբակցության պատգամավոր Թևան Պողոսյանի հեղինակած «Ազգային ժողովի կանոնակարգ» ՀՀ օրենքում փոփոխություններ և լրացումներ կատարելու մասին օրենքի նախագիծը, որը երեկ քննարկվել էր արտահերթ ռեժիմով:
Նախագծով, հիշեցնենք, առաջարկվում է սահմանափակել կառավարության հետ հարց ու պատասխանի ժամանակ գրավոր հարցերի քանակը՝ մինչև 2 հարց, և կրճատել հարց հնչեցնելու ու պատասխանելու համար նախատեսված ժամանակը՝ 3 րոպեից մինչև 2 րոպե: Նախքան քվեարկությունը ՕԵԿ-ական Հովհաննես Մարգարյանը հայտարարեց, որ իրենք դեմ են փոփոխությանն ու դեմ են քվեարկելու:
ՀՀԿ-ական պատգամավոր Հովհաննես Սահակյանը հայտարարեց, որ խմբակցությունն աջակցում է նախագծին և կողմ են քվեարկելու: Օրինագիծն ընդունվեց 97 կողմ, 3 դեմ և 4 ձեռնպահ հարաբերակցությամբ: Այժմ ԱԺ-ն շարունակում է 2016 թ. բյուջեի նախագծի քննարկումները:
