Թթվասերով դիմակ մազերի համար

Թթվասերը հրաշալի կերպով սնուցում է մազերը և հարթեցնում է դրանք: Ավելին, թթվասերը նաև գունաթափում է մազերը:

1. Հետաքրքիր է, որ թթվասերից կարող եք չոր մազերի համար հրաշալի դիմակ ստանալ: Իսկ այդ դիմակը պատրաստվում է հետևյալ կերպ՝ մեկ բաժակ թթվասերի և մի քանի ձվի դեղնուցի միջոցով: Բոլոր բաղադրիչները խառնեք գդալով: Ստացված զանգվածը քսեք մազերին՝ արմատներից մինչև ծայրեր, ապա փաթաթեք մազերը սրբիչով: Սպասեք 10-15 րոպե,  ապա լվացեք գլուխը տաք ջրով:

2. Մեկ այլ հրաշալի դիմակ. հավասար չափաքանակով խառնեք  ոչ յուղոտ թթվասերն ու մեղրը: Այս դիմակը հարմար է սովորական մազեր ունեցողների համար: Այն պետք է օգտագործել կանոնավոր կերպով, և արդյունքում՝ կստանաք փարթամ, հարթ և փափուկ մազեր, քանի որ մեղրն ու թթվասերն ուժեղացնում են մեկը մյուսի օգտակար հատկանիշները:

3. Եթե նոսր մազեր ունեք, ապա ձեզ հարմար կլինի հետևյալ դիմակը.  1:1 հարաբերությամբ խառնեք կեֆիրն ու թթվասերը: Այս դիմակից հետո ձեր մազերը կփարթամանան և կամրանան: Արդյունք ստանալու համար այն պետք է օգտագործել կանոնավոր կերպով:

4. Մազաթափության դեմ դիմակ.  ձեզանից կպահանջվեն՝ 1-2ճ/գ թթվասեր և թարմ գազար: Գազարը մանր քերիչով անցկացնել, խառնել թթվասերով: Ստացված խառնուրդը քսել մազերին և տարածել ամբողջ երկայնքով, թողնել այդպես 30-40րոպե: Ապա սովորականի պես լվանալ մազերը: Դիմակն անհրաժեշտ է դնել շաբաթը 2-3 անգամ:

5. Սովորական և յուղոտ մազերի համար առաջարկում ենք հետևյալ դիմակը.

Բաղադրիչներ

• 2ճ/գ թթվասեր
• 3ճ/ խաղողի կորիզ յուղ
• 5-6 կաթիլ եղեսպակի եթերային յուղ

Բոլոր բաղադրիչները խառնեք և խյուսը քսեք մազարմատներին, փաթաթեք մազերը և 30-40 րոպե անց լվացեք սովորականի պես:

Նյութը հրապարակման պատրաստեց Լիլիթ Հարությունյանը

.