Դիմակ՝ չոր, վնասված մազերի համար
Եթե մազերը հաճախակի հարդարելուց հետո կորցրել են իրենց բնական փայլն ու փափկությունը, ապա ժամանակն է վերակենդանացնել մազերը. այդ հարցում ձեզ կօգնի չոր և վնասված մազերի համար նախատեսված այս հրաշալի դիմակը:
Դիմակի բաղադրատոմսը պարզ է, ձեզանից կպահանջվեն՝
- Կես բաժակ կեֆիր
- 1ճ/գ ցանկացած բուսական յուղ
- 1թ/գ ջրիկ մեղր
- 1թ/գ մազերի բալզամ
- 2-3ճ/գ կարտոֆիլի օսլա
Բաղադրիչները պետք է խառնել միմյանց և ստանալ թթվասերի նման զանգված: Ամբողջը տաքացնում ենք ջրի գոլորշու վրա, զանգվածը քսում ենք լվացած և սրբիչով չորացրած մազերին, վրայից հատուկ գլխարկով և սրբիչով փաթաթում ենք: Դիմակը պետք է պահել կես ժամից ոչ պակաս: Սովորաբար լավագույն արդյունքի համար կարող եք 1 ժամ պահել: Դիմակից հետո շամպունով լվացեք մազերը, աշխատեք շամպունը քսել միայն արմատներին, ծայրերին շամպուն թող չկպչի:
Նյութը հրապարակման պատրաստեց Լիլիթ Հարությունյանը
