«Ես երբեք հարցում չեմ ներկայացրել տրանսֆերի վերաբերյալ». Ուեյն Ռունի
«Մանչեսթեր Յունայթեդի» հարձակվող և ավագ Ուեյն Ռունին հերքել է տեղեկությունն այն մասին, որ ինքն անցյալում հարցում է ներկայացրել տրանսֆերի վերաբերյալ:
«Ես եկա խոսելու նրա (Սըր Ալեքս Ֆերգյուսոնի) հետ և ասացի. «Եթե Դուք չեք պատրաստվում ինձ խաղացնել, ապա ինձ համար, հնարավոր է, ավելի լավ է առաջ շարժվել»:
Դրանից հետո անսպասելի բոլոր ԶԼՄ-ներում գրեցին, որ ես հարցում եմ ներկայացրել տրասֆերի վերաբերյալ, որն իրականում ես երբեք չեմ արել: Չգիտեմ՝ ի՞նչ պատահեց, ինչո՞ւ դա դուրս եկավ այդ տեսքով:
Ֆերգյուսոնն այն բանի պատճառն էր, ինչի համար ես ցանկանում էի տեղափոխվել «Մանչեսթեր Յունայթեդ». ես ուզում էի աշխատել նրա հետ: Իմ կարծիքով՝ նա բոլոր ժամանակների լավագույն մարզիչն է: Ես ոչ մի կասկած չունեի՝ ուր տեղափոխվել, երբ իմացա նրա հետաքրքրության և ինձ տեսնելու ցանկության մասին»,- ասել է Ռունին ВВС-ի դոկումենտալ ֆիլմում:
Պատրաստեց Անի Գաբուզյանը
