«Մանչեսթեր Յունայթեդը» ցանկանում է գնել «ՊՍԺ»-ի հարձակվողին
«Մանչեսթեր Յունայթեդը» ցանկանում է պայմանագիր կնքել «ՊՍԺ» ֆուտբոլային ակումբի պատանի հարձակվող Օդսոն Էդուարի հետ, ով հանդես է գալիս Ֆրանսիայի չեմպիոնների երիտասարդական թիմում:
Հաղորդվում է, որ մանկունյանցիները տպավորված են նրանով, որ 17-ամյա հարձակվողը հանդես է եկել պատանեկան հավաքականների 2015թ. Եվրոպայի առաջնությունում, որտեղ դարձել է լավագույն ռմբարկու. նա խփել է 8 գնդակ և օգնել է թիմին հաղթել մրցաշարը:
Նշվում է, որ այս պահին «ՊՍԺ»-ն բանակցություններ է վարում Էդուարի հետ` պրոֆեսիոնալ պայմանագիր կնքելու կապակցությամբ:
Պատրաստեց Անի Գաբուզյանը
