Բաղրամյան պողոտայում իրավիճակը մնում է լարված
Այս պահին դեռևս ոստիկաններին չի հաջողվում բանակցությունների միջոցով համոզել ցուցարարներին հեռանալ Բաղրամյան պողոտայից: Ցուցարարները նստել են գետնին և պահանջում են, որպեսզի Սերժ Սարգսյանը ՀԾԿՀ որոշումը չեղյալ հայտարարի: «Մի գրիչի շարժումով կարող է չեղարկել այդ որոշումը, մարդկանց սիրտն էլ մի քիչ կհովանա՝ կթողնեն, կգնան»,- Վալերի Օսիպյանի հետ զրույցում ասաց ցուցարարներից մեկը՝ խնդրելով Սերժ Սարգսյանին փոխանցել իրենց խնդրանքը:
