Ոստիկանները կամաց-կամաց մոտենում են ցուցարարներին
ՀՀ փոխոստիկանապետ Վալերի Օսիպյանն ու Երևանի ոստիկանապետ Աշոտ Կարապետյանը քիչ առաջ ևս մեկ անգամ կոչ արեցին երթի կազմակերպիչներին 5 անձից բաղկացած խումբ կազմել և հանդիպել ՀՀ նախագահ Սերժ Սարգսյանի հետ:
Սակայն ապարդյուն. նրանք չեն համաձայնում՝ պահանջելով, որպեսզի Սերժ Սարգսյանն ինքը գա և հանդիպի իրենց:
Ոստիկանները կամաց-կամաց մոտենում են գետնին նստած ցուցարարներին ու արդեն հրում են իրար:
168.am-ը Վալերի Օսիպյանից հետաքրքրվեց, թե ինչո՞ւ են ոստիկանները մոտեցել ցուցարարներին, ինչի ի պատասխան նա ասաց. «Հասարակական կարգն ենք պաշտպանում»: Մեր դիտարկմանը, թե հեռվից հնարավոր չէ՞ պաշտպանել հասարակական կարգը, Վ. Օսիպյանը պատասխանեց. «Դեռ էլի ենք մոտենալու: Կարող ենք, բայց մոտենալու ենք»: Նա նաև հորդորեց. «Մի՛ վախեցեք»:
Նրանք լրագրողներին հորդորեցին անցնել մայթեզր:
