«Յուվենթուսի» ֆուտբոլիստ Արթուրո Վիդալը վթարի մեջ հայտնված երիտասարդին գումար և նոր մեքենա է առաջարկել

Չիլիի հավաքականի կիշապաշտպանը պատրաստ է իր` հարբած վիճակում մեքենա վարելու պատճառով տուժածի վնասները հատուցել:

Ֆուտբոլիստը տուժածին առաջարկել է 14 հազար եվրո և նոր մեքենա: Ինչպես հայտնում է Corriere dello Sport-ը, կողմերը համաձայնության չեն եկել, իսկ Ֆելիպե Գոնսալեսը, հոր խոսքերի համաձայն, գտնվում է տանը և չի կարողանում շոկից վերականգնվել:

Արթուրո Վիդալը երեքշաբթի երեկոյան ընկել է ճանապարհային պատահարի մեջ` Ֆերարիով բախվելով մի այլ մեքենայի, որի ղեկին եղել է Գոնսալեսը:

Վիդալը և նրա կինը` Մարիա Թերեզա Մատուսը, պատահարից հետո հոսպիտալացվել էին, իսկ երբ չիլիացու արյան մեջ ալկոհոլ է հայտնաբերվել, նրան ձերբակալել են:

Տվյալ պահին Վիդալն ազատվել է կալանքից, իսկ դատարանը զրկել է նրան վարորդական իրավունքից:

Պատրաստեց Անի Գաբուզյանը