«Բեշիկթաշը» ցանկանում է «Լիվերպուլից» գնել Մարիո Բալոտելիին
Ստամբուլում 24-ամյա իտալացի հարձակվողին դիտարկում են՝ որպես Դեմբա Բայի փոխարինող:
Մարիո Բալոտելին համարվում է «Բեշիկթաշի» ամառային տրասֆերի առաջնահերթ նպատակը: «Սև արծիվները» պատրաստում են խոշոր առաջարկություն` հույս ունենալով իրենց շարքերում տեսնել Իտալիայի հավաքականի ֆուտբոլիստին:
Բալոտելին պետք է փոխարինի Դեմբա Բային, ով նախորդ մրցաշրջանում անցկացրել է 44 խաղ և խփել է 27 գնդակ:
Այժմ սենեգալցին հույս ունի նորից բախտը փորձել անգլիական Պրեմիեր լիգայում, որտեղ նա խաղացել է «Վեսթ Հեմի», «Նյուքասլի» և «Չելսիի» կազմում:
Մարիո Բալոտելին դեբյուտային մրցաշրջանում «Լիվերպուլի» կազմում խփել է ընդամենը 4 գնդակ` անցկացնելով 28 խաղ:
Նա Եվրոգավաթի խաղերում միակ գոլը խփել է «Բեշիկթաշին»:
Պատրաստեց Անի Գաբուզյանը
