Երևանում տղամարդը սիրուհու կիսամերկ նկարները ներբեռնել է «Օդնոկլասսնիկի» և հայտնվել դատարանում
Դատարան է ուղարկվել Երևանի բնակչի դեմ հարուցված քրեական գործը:
Քրեական գործի շրջանակներում նրան մեղադրանք է առաջադրվել այն բանի համար, որ նա 5 տարի մի կնոջ հետ գտնվել է սիրային հարաբերությունների մեջ, որի ընթացքում իր բջջային հեռախոսով տեսանկարահանել է նրան կիսամերկ վիճակում, պայմանով, որ հետագայում կջնջի: Հետագայում դրանք ներբեռնել է «Օդնոկլասսնիկի» կայքում:
Նրա նկատմամբ որպես խափանման միջոց է ընտրվել ստորագրությունը չհեռանալու մասին: Նրան մեղադրանք է առաջադրվել ՀՀ քրեական օրենսգրքի 144-րդ հոդվածով, որը որպես պատիժ՝ նախատեսում է տուգանք՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ կալանք՝ մեկից երկու ամիս ժամկետով:
