Թբիլիսիում զոհերի թիվը հասել է 19-ի
Թբիլիսիում ավերիչ ջրհեղեղի հետևանքով զոհերի թիվը հասել է 19-ի, նույնականացվել են 17 մարմիններ, հայտնում է sputnik-georgia.ru-ն՝ հղում կատարելով Վրաստանի պետական անվտանգության ու ճգնաժամերի կառավարման խորհրդին:
«Պաշտոնական տվյալների համաձայն՝ մահացել է 19 մարդ: Նրանցից նույնականացվել են 17-ը: Կատարվում է ևս 2 մարմնի նույնականացում: Որոնվում է 6 մարդ»,-ասվում է հաղորդագրության մեջ:
Զոհերից մեկին, ում ինքնությունը դեռ չի պարզվել, հայտնաբերել էին «Մզիուրի» այգում, իսկ երկրորդին Կուր գետից՝ Գարդաբանսկի շրջանից:
