ՌԴ կառավարությունը հավանության է արժանացրել ԵՏՄ-ի ու Վիետնամի միջև ազատ առևտրի գոտու մասին համաձայնագիրը

Lenta.ru-ի փոխանցմամբ՝ Ռուսաստանի կառավարությունը հավանության է արժանացրել ԵՏՄ-ի ու Վիետնամի միջև ազատ առևտրի գոտու մասին համաձայնագիրը: Այս մասին հայտնել է Ռուսաստանի կառավարության մամլո ծառայությունը:

Համաձայնագիրը նախատեսում է ԵՏՄ-ի ու Վիետնամի միջև ապրանքների առևտրի սակագնային ազատականացման պայմաններ: Դրա հետ մեկտեղ կողմերը պահպանում են առավել զգայուն ապրանքների հարցում սակագնային պաշտպանությունը:

Ռուսաստանի կառավարությունն ընդգծել է, որ համաձայնագրի իրագործումը կնպաստի փոխադարձ ապրանքաշրջանառության աճին ու առևտրային-տնտեսական կապերի զարգացմանը, ինչպես նաև կլուծի ԱԽՏ-ի տարածաշրջանում ինտեգրացիոն գործընթացներին ԵՏՄ-ի միանալու առաջադրանքը:

Համաձայնագիրը ստորագրումից հետո ենթակա է վավերացման: