Լավրովի հետ հանդիպելու նախադրյալներ չկան. Բերուչաշվիլի
Грузия Online-ի փոխանցմամբ` Վրաստանի արտգործնախարար Թամար Բերուչաշվիլին հայտարարել է, որ դեռ հնարավորություններ չի տեսնում Ռուսաստանի արտգործնախարար Սերգեյ Լավրովի հետ հանդիպելու համար, ինչը վերաբերվում է նաև ՄԱԿ ԳԱ-ի առաջիկա հոբելյանական գագաթաժողովի շրջանակներում հանդիպելուն.
«Մենք չենք դիտարկում դա (հանդիպելու հնարավորությունը), որովհետև մենք ունենք ներկայիս ձևաչափ, այն գոհացուցիչ չէ, սակայն այնուամենայնիվ իրականացվում է երկխոսություն: Թե ինչ տեղի կունենա հետագայում, կախված է շատ հանգամանքներից:
Ես չեմ կարող կանխատեսել, թե ինչ տեղի կունենա առաջիկա ամիսներին: Անկեղծ ասած` չեմ հավատում հանուն միայն ձեռքսեղմման հանդիպելու հնարավորությանը: Ձեռքսեղմումները երբեմն շատ կարևոր ու խորհրդանշական են, սակայն դա պետք է ունենա նաև որոշակի հիմք»:
