Մեկնարկել է Մարգվելաշվիլիի բրյուսելյան այցը
Новости-Грузия լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին մայիսի 10-ին աշխատանքային այցով մեկնել է Բրյուսել: Այս մասին հայտնել է պետության ղեկավարի մամլո ծառայությունը: Մարգվելաշվիլին այսօր Բրյուսելում հանդիպելու է ՆԱՏՕ-ի գլխավոր քարտուղար Յենս Սթոլթենբերգի հետ:
Բացի այդ, պլանավորված է, որ նա հանդիպելու է Եվրոպական խորհրդի նախագահ Դոնալդ Տուսկի, ԵՄ-ի հարևանության ու ընդլայնման քաղաքականության հարցերով հանձնակատար Յոհաննես Հահնի, Բելգիայի թագավոր Ֆիլիպի, ինչպես նաև Եվրոպական խորհրդարանի քաղաքական կուսակցությունների առաջնորդների հետ:
Հանդիպումների գլխավոր թեման բնականաբար լինելու են մայիսի 21-22-ին կայանալիք Ռիգայի գագաթաժողովը («Արևելյան գործընկերության» գագաթաժողովը) և Վրաստանի իշխանությունների ու բնակչության ակնկալիքները:
