Չգիտի` ինչու չեն գալիս Նազարբաևը և Լուկաշենկոն
«Հայաստանը միայն իրենից պետք է ակնկալիք ունենա: Կդնեն, չեն դնի, մեր կազմակերպվածության հետևանքով պետք է կարողանանք հաջողության հասնել»,- այսօր Մարզահամերգային համալիրում «Ընդդեմ ցեղասպանության հանցագործության» գլոբալ ֆորումից առաջ լրագրողների հետ ճեպազրույցում հայտարարեց ԱԺ նախագահ Գալուստ Սահակյանը՝ պատասխանելով հարցին, թե ի՞նչ կարելի է ակնկալել այն երկրներից, որոնք քաղաքական կամք չեն դրսևորում՝ ճանաչելու Հայոց Ցեղասպանությունը:
Գ. Սահակյանի կարծիքով՝ նմանատիպ ֆորումները բացահայտում են և աշխարհին ավելի ճանաչելի են դարձնում երևույթները: Հարցին, թե ինչո՞ւ ԵՏՄ անդամներից միայն Ռուսաստանի նախագահն է այդ օրերին ներկա լինելու, ԱԺ նախագահը պատասխանեց, որ պետք է հարցնել ԵՏՄ անդամներից:
