Պուտինը չի պատրաստվում Երևանում Օլանդի հետ հանդիպման ժամանակ բարձրացնել «Միստրալ»-ների հարցը. Պեսկով
Ռուսական ТАСС լրատվական գործակալության փոխանցմամբ՝ ռուսական կողմը նախագահներ Վլադիմիր Պուտինի ու Ֆրանսուա Օլանդի բանակցություններում չի պլանավորում բարձրացնել «Միստրալ» ռազմանավերի մատակարարման հարցը, քանի որ դա ֆրանսիացիների խնդիրն է:
Այս մասին լրագրողների հետ զրույցում հայտարարել է Ռուսաստանի նախագահի մամլո քարտուղար Դմիտրի Պեսկովը. «Ներկայումս Երևանում պատրաստվում է ռուս-ֆրանսիական երկկողմ հանդիպում:
Ինչ վերաբերվում է «Միստրալ»-ների մատակարարման խնդրին, ապա դա ավելի շուտ ֆրանսիական կողմի խնդիրն է, որը պատվիրատուից ստացել է գումար և դեռևս չի կատարել իր պարտավորությունները»:
Պեսկովը հավելել է, որ եթե հարցը բարձրացնի ֆրանսիական կողմը, ապա այն կքննարկվի:
Սրանից առաջ հաղորդվել էր, որ Ֆրանսիայի նախագահ Ֆրանսուա Օլանդը հայտարարել էր, որ ապրիլի 24-ին Երևանում Պուտինի հետ քննարկելու է «Միստրալ» ռազմանավերի հարցը:
