Կառավարությունը որոշել է ավելի բարձր վճարել որսված գայլերի համար
Ինչպես տեղեկացնում է ՀՀ կառավարության պաշտոնական կայքը, «Եկամտային հարկի մասին» ՀՀ օրենքում կատարված փոփոխության հետևանքով որսված գայլերի համար տրվող պարգևավճարի 100 հազար դրամը փոխարինվել է 123 հազար 346 դրամով: Կառավարության նախկին որոշման փոփոխության նպատակն է խրախուսել գայլերի թվաքանակի կարգավորումը, վերականգնել բնության մեջ խախտված էկոլոգիական հավասարակշռությունը, կանխարգելել ընտանի կենդանիներին և մարդկանց հասցվող վնասը: Որոշումն ընդունվել է ՀՀ կառավարության այսօրվա նիստում։
