Իրանը պատասխանատու չէ Եմենի համար. Սաուդյան Արաբիայի ԱԳՆ
Բրիտանական Reuters լրատվական գործակալության փոխանցմամբ՝ Սաուդյան Արաբիայի իշխանությունները երեկ պաշտոնապես մերժել են Իրանի կոչը՝ կապված Եմենի տարածքին հասցվող ավիահարվածները դադարեցնելու հետ: Այս մասին հայտարարել է Սաուդյան Արաբիայի արտգործնախարար Սաուդ ալ-Ֆեյսալը՝ ընդգծելով, որ Թեհրանը չպետք է միջամտի հակամարտությանը.
«Ինչպե՞ս կարող է Իրանը մեզ կոչ անել դադարեցնել Եմենի բախումները: Մենք եկել ենք Եմեն, որպեսզի օգնենք լեգիտիմ իշխանություններին: Իրանը պատասխանատու չէ Եմենի համար»: Սաուդյան Արաբիան ու նրա տարածաշրջանային դաշնակիցները Եմենի տարածքում շիա ապստամբների դիրքերին ավիահարվածներ են հասցնում մարտի 26-ից:
