Սպանություն՝ Գեղարքունիքում
Հայաստանի քննչական կոմիտեի Գեղարքունիքի մարզային քննչական վարչությունում հարուցվել է քրեական գործ՝ 44-ամյա տղամարդու սպանության դեպքի առթիվ։
ՔԿ մամուլի ծառայությունից հայտնում են, թե «Սեւանի հիվանդանոց» ՊՓԲԸ-ից ապրիլի 5-ին՝ ժամը 21:40-ին, հաղորդում է ստացվել, որ շտապօգնության խումբը կանչով մեկնել է Սեւան-Երեւան ճանապարհի 59-րդ կմ-ին կից ցեմենտի առաքման կետի պահակատուն եւ հայտնաբերել 1971թ. ծնված Կ.Մնեյանի դիակն ու տեղափոխել հիվանդանոցի դիահերձարան:
Դիակի արտաքին զննությամբ հայտնաբերվել են բռնության հետքեր։
Կ.Մնեյանի սպանության դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի հատկանիշներով։ Նշանակվել է դատաբժշկական փորձաքննություն։
Կատարվում է նախաքննություն, միջոցներ են ձեռնարկվում՝ պարզելու սպանության հանգամանքները, առերեւույթ հանցագործություն կատարած անձի ինքնությունը։
