Բելառուսը երբևէ չի դառնա Ռուսաստանի հյուսիս-արևմտյան ծայրամաս. Լուկաշենկո
Բելառուսական BELTA լրատվական գործակալության փոխանցմամբ՝ Բելառուսի նախագահ Ալեքսանդր Լուկաշենկոն Bloomberg-ին տված հարցազրույցի ժամանակ հայտարարել է, որ Բելառուսը երբևէ չի դառնա Ռուսաստանի մասնիկը, և որ ռուսական ղեկավարությունը երբևէ չի բարձրացրել նման հարց.
«Մենք եղել ենք և կանք ինքնիշխան, անկախ պետություն և կմնանք այդպիսին: Պուտինը երբևէ իմ առջև չի դրել նման հարց. մոռացե՛ք ձեր անկախության մասին և դարձե՛ք Ռուսաստանի Դաշնության նահանգ: Նա գիտի, թե ես ինչպես կարձագանքեմ դրան: Դրա համա էլ երբևէ չի եղել նման քննարկում:
Ռուսաստանում կան բազմաթիվ քաղաքական գործիչներ, որոնք ունեն կայսերական մտածելակերպ և Բելառուսը համարում են «ոմն հյուսիս-արևմտյան ծայրամաս»: Մենք կոնկրետ պատասխան ենք տալիս դրան. մենք երբեք չենք լինի հյուսիս-արևմտյան ծայրամաս, ինչպես և երբևէ չենք հակամարտի Ռուսաստանի հետ, ինչպես որ հասկանում եմ»:
Լուկաշենկոն կարծում է, որ Ռուսաստանը երբևէ չի պատերազմի իր երկրի դեմ, քանի որ դրա համար չկան պատճառներ: Դրա հետ մեկտեղ Բելառուսի նախագահն ընդգծել է, որ ամբողջովին համաձայն է այն արտահայտության հետ, որ «մեզ մոտ սրով եկողը կսպանվի սրով».
«Մենք կպատերազմենք ռուսաստանցիների, եվրոպացիների, ամերիկացիների դեմ, յուրաքանչյուրի դեմ, եթե նրանք իրենց առջև նպատակ դնեն զավթել այս հողակտորը, որում պետք է ապրեն բելառուսները»: Լուկաշենկոն ընդգծել է, որ Ուկրաինայի դեպքերից հետո Բելառուսի ու Ռուսաստանի փոխհարաբերությունները չեն փոխվել որևէ կերպ:
