Անկարայում ավարտվել են Թուրքիայի ու Ադրբեջանի հատուկջոկատայինների համատեղ վարժանքները
Ադրբեջանական APA լրատվական գործակալության փոխանցմամբ՝ Անկարայում ավարտվել են Թուրքիայի ու Ադրբեջանի հատուկջոկատայինների վարժանքները: Դրանք անցկացվել են մարտի 22-29-ին: Այս մասին նշված է Թուրքիայի զինված ուժերի պաշտոնական կայքում:
Վարժանքներին Թուրքիան մասնակցել է հատուկ նշանակության մեկ դասակով, երկու ուղղաթիռով և մեկ տրանսպորտային ինքնաթիռով: Ադրբեջանն իր հերթին վարժանքներին մասնակցել է հատուկ նշանակության մեկ դասակով: Վարժանքների նպատակը երկու երկրների հատուկջոկատայինների միջև համագործակցության զարգացումն է, ինչպես նաև՝ փորձի փոխանակումը:
