Նորվեգիան պատրաստ է մեծացնել գազի մատակարարումները ԵՄ-ին
Lenta.ru-ի փոխանցմամբ` Նորվեգիան կարող մեծացնել ԵՄ-ի երկրների գազի մատակարարումները: Այս մասին Բրյուսելում տեղի ունեցած էներգետիկ քննարկումների ժամանակ հայտարարել է Նորվեգիայի արտգործնախարար Բերգե Բրենդեն.
«Կարծում եմ, որ Նորվեգիան կարող է ներդրում ունենալ ԵՄ-ի էներգետիկ անվտանգությունում: Ներկայումս Ռուսաստանը մատակարարում է ԵՄ-ի համար գազի 30 տոկոսը, իսկ մենք` 20 տոկոսը: Մենք կարող ենք առաջիկա տարիներին մեծացնել գազի մատակարարումը»:
Միևնույն ժամանակ էներգետիկայի ու կլիմայի հարցերով եվրահանձնակատար Միգել Արաիս Կանիետեն հայտարարել է, որ անհրաժեշտ է գազի հուսալի մատակարարման երթուղիներ գտնել Կասպյան տարածաշրջանից դեպի ԵՄ.
«Ռուսաստանը պետք է գործընկեր մնա ապագայում, սակայն գազի մատակարարման պայմանագրերը պետք է լինեն թափանցիկ և համապատասխանեն եվրոպական օրենսդրությանը»:
