Մարտի վերջին ամերիկյան Patriot զենիթա-հրթիռային համալիրը կհասցվի Լեհաստան
Ռուսական РИА Новости լրատվական գործակալության փոխանցմամբ` ամերիկյան Patriot զենիթա-հրթիռային համալիրը (ԶՀՀ) մարտի վերջին ժամանելու է Լեհաստան` զորավարժություններին մասնակցելու համար: Այս մասին հայտարարել է Լեհաստանի ՊՆ-ի տեղեկատվական դեպարտամենտի տնօրեն Յանուշ Վալչակը:
Նա մանրամասնել է, որ այս անգամ Patriot-ը մասնակցելու է Atlantic Resolve գործողությանը, որը միտված է ՆԱՏՕ-ի արևելյան թևում ռազմական ներկայության մեծացմանը: Վալչակը հավելել է, որ զորավարժությունները տևելու են մի քանի օր, իսկ Լեհաստանում Patriot ԶՀՀ-ը սպասարկելու են Գերմանիայում գտնվող ամերիկացի զինծառայողները:
Ենթադրվում է, որ զորավարժություններին մասնակցելու է մոտ 100 ամերիկացի զինվոր:
