Վազգեն Մանուկյանը ներկայացրել է Սմբատ Լպուտյանին և Էդիկ Մինասյանին
Մարտի 5-ին տեղի է ունեցել ՀՀ Հանրային խորհրդի փոքր խորհրդի նիստ, որը վարել է խորհրդի նախագահ Վազգեն Մանուկյանը:
Վերջինս գործընկերներին է ներկայացրել Հանրային խորհրդի երկու նոր անդամներին՝ Սմբատ Լպուտյանին և Էդիկ Մինասյանին:
Այնուհետև խորհրդի անդամներն անցել են օրակարգային հարցերի քննարկմանը: Գլխավոր հարցը եղել է ս.թ. մարտի 13-ին ՀՀ նախագահի հետ կայանալիք հանդիպումը: Խորհրդի անդամները քննարկել են նախագահին ներկայացվելիք հարցերի շրջանակը:
Մինչ այդ ՀԽ նախագահը խորհրդի անդամներին է ներկայացրել մարտի 2-ին Գյումրի կատարած այցի մանրամասները:
Նշենք, որ ՀԽ նախագահ Վազգեն Մանուկյանը, խորհրդի անդամներ Գրիգոր Բադիրյանը, Կորյուն Առաքելյանն ու Ելենա Վարդանյանը երկուշաբթի օրը Գյումրիում հանդիպել են ս.թ. հունվարի 12-ին Գյումրիում դաժանաբար սպանված Ավետիսյանների ընտանիքի հարազատների հետ: ՀԽ ներկայացուցիչները ծանոթացել են նրանց առաջ քաշած հարցադրումներին, լսել նրանց մտահոգություններն ու այդ ամենը ներկայացրել համապատասխան քննչական մարմիններին:
ՀՀ Հանրային խորհրդի մամուլի պատասխանատու
