Էրդողանը սնունդ չի ընդունում, քանի դեռ այն ստուգման չի ենթարկվել հատուկ լաբորատորիայում. The New York Times
Ամերիկյան The New York Times թերթի փոխանցմամբ՝ Թուրքիայի նախագահ Ռեջեփ Էրդողանը սնունդ չի ընդունում, քանի դեռ այն ստուգման չի ենթարկվել հատուկ լաբորատորիայում՝ կապված թույնի առկայության հետ: Այս մասին հայտարարել է Թուրքիայի նախագահի բժիշկ Սևդեթ Էրդոլը:
Նրա խոսքերով՝ Անկարայում գտնվող նորակառույց Աքսարայ (Սպիտակ պալատ) նախագահական նստավայրում, որն ունի հազար սենյակ, ստեղծվելու է հատուկ լաբորատորիա՝ սննդում ռադիոկատիվ նյութերի, թույնի կամ վտանգավոր մանրէների առկայությունը ստուգելու համար.
«Մենք տեղյակ ենք, որ ժամանակակից աշխարհում մարդկանց չեն սպանում ուղիղ, փոխարենը գաղտնի թունավորում են նրանց սնունդը: Յուրաքանչյուր օր 5 լոկալ փորձագետ հերթապահություն է իրականացնում նախագահական պալատում՝ նախագահական սննդին հետևելու և նրա սննդային բոլոր կարիքներն ապահովելու համար»:
