Չադի նախագահը «Բոկո Հարամի» առաջնորդին առաջարկել է ընտրություն կատարել հանձնվելու ու սպանվելու միջև
Բրիտանական Reuters լրատվական գործակալության փոխանցմամբ՝ Չադի նախագահ Իդրիս Դեբին «Բոկո Հարամի» առաջնորդ Աբուբաքար Շեկաուից պահանջել է հանձնվել: Դեբին հայտարարել է, որ ահաբեկիչների ղեկավարը կսպանվի, եթե չկատարի այդ պահանջը: Նախագահը հավելել է, որ տեղյակ է, թե որտեղ է գտնվում Շեկաուն:
Փետրվարի 25-ին Չադի զինվորականները Նիգերիայի Գարամբու քաղաքի շրջանում, որը գտնվում է Կամերունի սահմանից ոչ հեռու, ոչնչացրել են «Բոկո Հարամի» 207 զինյալի: Վերջին շրջանում Նիգերիայի սահմանին աճել են բախումները Նիգերի, Չադի ու Կամերունի բանակների և իսլամականների միջև:
