«Արտարժույթի արհեստական բարձրացման պահանջը ստեղծվել է խոշոր դրամաշորթների կողմից»
Արտարժույթի հանկարծակի բարձրացումը ոչ մի գիտական պատճառ չուներ, ինչն էլ հանգեցրեց դրամի արժեզրկման, իսկ հետո՝ վերարժևորման: 168.am-ի հետ զրույցում նման կարծիք է հայտնել «ՄենեջմենթՄիքս» խորհրդատվական ընկերության գործադիր տնօրեն Րաֆֆի Սեմերջյանը։
«Արտարժույթի արհեստական բարձրացման պահանջը ստեղծվել է խոշոր դրամաշորթների կողմից, որոնք օգտվեցին ռուբլու անկումից և միջազգային արտարժույթների վայրիվերումներից: Հիշեցնեմ, որ եվրոն և վրացական լարին մոտ 15%-ի չափով նույնպես վերջերս արժեզրկվել էին: Ճգնաժամի ազդեցությունը կարճ ժամանակահատվածում նվազեցվելու է, և բոլոր շահառուներն այնուամենայնիվ պետք է միջոցներ ձեռնարկեն ճգնաժամի ազդեցության սահմանները նեղացնելու և հետագա ճգնաժամը կանխելու համար»,- ասել է նա:
Րաֆֆի Սեմերջյանի հետ ամբողջական հարցազրույցը կարող եք ավելի ուշ կարդալ 168.am կայքում
