Կրավչուկը Լուկաշենկոյին ու Նազարբաևին անվանել է Պուտինի կողմից Կիև ուղարկված էմիսարներ
Gordonua.com-ին տված հարցազրույցի ժամանակ Ուկրաինայի առաջին նախագահ Լեոնիդ Կրավչուկը հայտարարել է, որ Բելառուսի ու Ղազախստանի նախագահներ Ալեքսանդր Լուկաշենկոն ու Նուրսուլթան Նազարբաևն Ուկրաինա էին ժամանել՝ պարզելու համար, թե ինչպիսի սցենարների է պատրաստ նրա նախագահ Պյոտր Պորոշենկոն.
«Նազարբաևի ու Լուկաշենկոյի այցն Ուկրաինա հնարավոր որոշումների փնտրտուք է՝ պահպանելու համար Պուտինի դեմքը, ով իր էությամբ ու Ռուսաստանի պատմությամբ արդեն իսկ ցար է: Իսկ ցարերը հետ չեն գնում, նրանք գնում են միայն առաջ:
Պուտինը տեսնում է, որ Ռուսաստանում ու նրա սահմաններից դուրս իրավիճակը չի թեքվում իր օգտին, թեև և ձևացնում է, որ ամեն ինչ լավ է, և որ նա դուրս կգա այդ իրավիճակից: Պուտինն ակնհայտորեն չէր հաշվարկել, որ Արևմուտքն այդպես կարձագանքի իր քաղաքականությանը: Իսկ պատժամիջոցները հետագայում ավելանալու են:
Պուտինը զգում է, որ իր ոտքերի տակի հողը սկսում է այրվել: Այս մասին խոսում են նաև Ռուսաստանում, և ոչ միայն ընդդիմությունը: Դրա համար էլ նա ուղարկել է իր էմիսարներին (Լուկաշենկոյին ու Նազարբաևին): Իսկ նրանք դժբախտաբար իմ կարծիքով կատարում են չկայացած պետական գործիչների դեր և գտնվում է Ռուսաստանի ու Պուտինի ազդեցության ներքո»:
