Մոսկվայում մեկնարկել է ՀԱՊԿ-ի Խորհրդի նիստը
Ռուսական РИА Новости լրատվական գործակալության փոխանցմամբ՝ Մոսկվայում մեկնարկել է ՀԱՊԿ-ի ղեկավար մարմնի՝ Հավաքական անվտանգության խորհրդի նիստը: Միջոցառումից առաջ Ռուսաստանի նախագահ Վլադիմիր Պուտինը ողջունել է Հայաստանի, Բելառուսի, Ղազախստանի, Ղրղզստանի ու Տաջիկստանի նախագահներին:
Գագաթաժողովի շրջանակներում պլանավորված է ստորագրել 22 փաստաթուղթ: Ռուսաստանի նախագահի օգնական Յուրի Ուշակովի խոսքերով՝ ՀԱՊԿ-ի երկրների ղեկավարները գագաթաժողովի արդյունքներով կընդունեն համատեղ հայտարարություն, որում մտահոգություն կհայտնեն Կենտրոնական Ասիայում ահաբեկչական վտանգի ընդլայնման ու ծայրահեղականության տարածման կապակցությամբ, այդ թվում նաև հաշվի առնելով աֆղանական գործոնը:
ՀԱՊԿ-ի նախագահությունն այսօր Ռուսաստանից փոխանցվում է Տաջիկստանին:
