Ադրբեջանում Վերաքննիչ դատարանը մերժել է NIDA-ի ակտիվիստների բողոքը
Ադրբեջանական Turan լրատվական գործակալության փոխանցմամբ՝ Վերաքննիչ դատարանն ուժի մեջ է թողել NIDA երիտասարդական կազմակերպության 6 ակտիվիստի հանդեպ կայացված դատավճիռը:
Ակտիվիստների փաստաբանները հայտարարել են, որ նախնական հետաքննության ու դատավարության ժամանակ բոլոր մեղադրանքները չեն հաստատվել, ինչն ապացուցում է դատապարտյալների անմեղությունը: Նրանք դատարանին կոչ են արել ազատ արձակել դատապարտյալներին:
Սակայն Վերաքննիչ դատարանը որոշել է ուժի մեջ թողնել առաջին ատյանի դատարանի որոշումը և մերժել բողոքը: Երիտասարդների փաստաբանները հայտարարել են, որ այդ որոշումն ապօրինի, և որ իրենք դատավճիռը բողոքարկելու են Վճռաբեկ դատարանում:
Մայիսի 6-ին Ծանր հանցագործությունները քննող դատարանը NIDA-ի 8 ակտիվիստներից դատապարտեց 6-8 տարվա ազատազրկման՝ նրանց մեղավոր ճանաչելով անկարգությունների նախապատրաստման, թմրանյութեր ու պայթուցիկ պահելու մեջ: Amnesty İnternational-ն այդ 8 ակտիվիստին ճանաչել է որպես «խղճի բանտարկյալ»:
