Եմենում ահաբեկչության հետևանքով զոհվել է առնվազն 40 մարդ
Xinhua լրատվական գործակալության փոխանցմամբ՝ Եմենի Ալ Բայդա նահանգի Ռադդա քաղաքում տեղի է ունեցել երկու պայթյուն, ինչի հետևանքով վերջին տվյալներով զոհվել է առնվազն 40 մարդ: Ավելի վաղ հաղորդվել էր 31 զոհի մասին:
Զոհվածներից ավելի քան 20-ը երեխաներ են: Այս մասին գործակալությանը հայտնել է Եմենի կառավարությունում նրա աղբյուրը: Պայթուցիկով լեցուն առաջին ավտոմեքենան պայթեցվել է շիա ապստամբների վերահսկողության տակ գտնվող անցակետում, երբ դրա մոտ է հայտնվել դպրոցականներին փոխադրող ավտոբուսը:
Երկրորդ պայթյունը տեղի է ունեցել այն շրջանում, որը հայտնի է շիաներին իր աջակցությամբ: Տվյալ հարձակման թիրախում է գտնվել Եմենի իշխող կուսակցության տարածքային մասնաճյուղը: Դեռ Եմենում գործող ծայրահեղական խմբավորումներից որևէ մեկը չի ստանձնել ահաբեկչությունների պատասխանատվությունը:
