ԼՂՀ-ում քննարկել են Նորագյուղ համայնքում էկոգյուղի ստեղծման ծրագիրը

Արցախի Հանրապետության Նախագահ Բակո Սահակյանը դեկտեմբերի 7-ին անց է կացրել աշխատանքային խորհրդակցություն, որին ներկա էր ռուսաստանաբնակ բարերար Ռուբեն Վարդանյանը:

Քննարկվել են Արցախում զբոսաշրջության ոլորտում տարբեր ծրագրերի իրականացման հետ կապված հարցեր: Հատուկ ուշադրություն է դարձվել էկոտուրիզմի զարգացման հեռանկարներին, որի համատեքստում ներկայացվել է Ասկերանի շրջանի Նորագյուղ համայնքի տարածքում էկոգյուղի ստեղծման ծրագիրը:

Բակո Սահակյանը երախտագիտություն է հայտնել Ռուբեն Վարդանյանին` մեր երկրում զբոսաշրջության զարգացմանը, այս գործում արտասահմանյան առաջատար մասնագետների ներգրավմանը եւ ժամանակակից փորձի կիրառմանը նպաստելու համար:
Խորհրդակցությանը մասնակցում էին վարչապետ Արա Հարությունյանը, շահագրգիռ մարմինների ղեկավարներ, պաշտոնատար այլ անձինք:

ԼՂՀ Նախագահի աշխատակազմ