С-500 նորագույն զենիթա-հրթիռային համալիրները ՌԴ զինված ուժերը կհամալրեն 2016 թվականին
Ռուսական ТАСС լրատվական գործակալության փոխանցմամբ` ներկայումս Ռուսաստանում մշակվող С-500 նորագույն զենիթա-հրթիռային համալիրները (ԶՀՀ) զորքերին կհատկացվեն արդեն 2016 թվականին:
Այս մասին այսօր հայտարարել է Ռուսաստանի ռազմաօդային ուժերի հակաօդային պաշտպանության զորքերի հրամանատար, գեներալ-մայոր Վիկտոր Գումեննին.
«Մենք առաջին օրինակների մատակարարումներն ակնկալում ենք 2015 թվականից հետո: Հեռանկարային ԶՀՀ-ները կարող են մասնակիորեն լուծել օդա-տիեզերական պաշտպանության առաջադրանքներն ու պայքարել հիպերձայնային զենքի դեմ»:
