Ադրբեջանում կարող են կալանավորել Խադիջա Իսմայլովային
Ադրբեջանական Turan լրատվական գործակալության փոխանցմամբ` լրագրող-հետաքննող Խադիջա Իսմայլովան այսօր կանչվել է Բաքվի դատախազություն, որտեղից էլ տարվել է դատարան, ուր ակնկալվում է, որ նրա նկատմամբ որպես խափանման միջոց ընտրել կալանքը:
Այդ տեղեկատվությունը հաստատել է փաստաբան Էլթոն Գուլիևը: Նա չի բացառել, որ Իսմայլովան կարող է կալանավորվել: Իսմայլովան իր հարազատներից խնդրելու է դեղորայք ու հագուստ:
2014 թվականի մարտ-ապրիլին Իսմայլովային հարցաքննել են «պետական գաղտնիք հրապարակելու» գործով` կապված Facebook-ում նրա հրապարակման հետ, որում խոսք է գնացել հատուկ ծառայությունների կողմից ընդդիմության ներկայացուցչին հավաքագրելու մասին:
