Հետխորհրդային տիրույթում ինտեգրացիոն գործընթացների խորացումն առաջնահերթ է Ռուսաստանի համար. Լավրով
Ռուսական ТАСС լրատվական գործակալության փոխանցմամբ` հետխորհրդային տիրույթում ինտեգրացիոն գործընթացների խորացումը Ռուսաստանի արտաքին քաղաքականության առանցքային առաջնահերթություններից մեկն է:
Այս մասին նշված է «Հասարակական դիվանագիտություն եվրասիական ինտեգրման համար» միջազգային կոնֆերանսի մասնակիցներին հղած Ռուսաստանի արտգործնախարար Սերգեյ Լավրովի ուղերձում:
Փաստաթղթում նշված է. «Հետխորհրդային տիրույթում իրավահավասար, փոխշահավետ հենքով ինտեգրացիոն գործընթացների հետևողական խորացումը Ռուսաստանի արտաքին քաղաքականության առանցքային առաջնահերթությունների թվում է:
Եվրասիական տիրույթում ինտեգրացիոն գործընթացների զարգացման մեջ կարևոր դեր են խաղում հասարակական կազմակերպությունները, լայն հանրությունն ու քաղաքացիական հասարակությունը: Եվրասիական ինտեգրումը բաց է ԱՊՀ-ի գծով նոր գործընկերների համար»:
