Մենք ցանկանում ենք, որ Իսպանիան մնա միասնական. Քեմերոն
Բրիտանական Reuters լրատվական գործակալության փոխանցմամբ՝ Մեծ Բրիտանիայի վարչապետ Դևիդ Քեմերոնը հանդես է եկել Իսպանիայի միասնության պահպանման օգտին:
Նրա խոսքերով՝ Կատալոնիայի կարգավիճակի մասին հանրաքվեն պետք է անցկացվի Սահմանադրությանը համապատասխան. «Մեծ Բրիտանիան Իսպանիայի ընկերն ու հիանալի դաշնակիցն է: Մենք ցանկանում ենք, որ Իսպանիան մնա միասնական»:
Նոյեմբերի 9-ին Կատալոնիայում անցկացված ոչ պաշտոնական հարցման ժամանակ հարցվածների ավելի քան 80 տոկոսն արտահայտվել էր Կատալոնիայի անկախության օգտին: Հարցմանը մասնակցել էր 2.250.000 մարդ:
